Чирмешән кадетлары Рязаньга десантчы якташыбыз янына барганнар

Чирмешән кадетлар мәктәп-интернаты делегациясе Рязаньга, һава-десант команда училищесына барып кайткан.

Бу калада алар якташыбыз - әлеге хәрби училищеда быел укуын тәмамлаячак Нариман Сваровский белән күрешкәннәр, курсантларның тормыш-көнкүрешен күреп кайтканнар.

-Нариман безнең өчен экскурсия оештырды, мәдәни программа да әзерләгәннәр, анда бар да ошады, - ди кадетлар белән үзе дә Рязаньда булган мәктәп-интернат директоры Рафаэль Сөләйманов.

-Без Нариман Сваровский оештырган зур чараны - спорт көрәше буенча Бөтенроссия турнирын да тамаша кылдык. В.Костянников истәлегенә багышланган әлеге бәйгедә илнең егерме төбәгеннән килгәннәр.

Рафаэль Сөләйманов фотосы