Түбән Чегодайдан Фәнил һәм Вера Дәүләтшиннар бәрәңгеләрен алып, базга салып та куйганнар.
Уңышны күмәкләп җыйганнар: булышырга әби-бабайлар да килгән, кечкенә малайлар да йөгерә-йөгерә бәрәңге чүпләгән.
– 1 майда ук утырткан идек, өлгергән, кабыгы сыдырылмый, тик бәрәңгедән үренте чыга башлаган. Сабаклары корып бетмәгән булса да, алырга булдык, утыртканга 90 көн узды бит, - ди Вера.
Дәүләтшиннарның бакчалары зур түгел, яшелчә, җиләк-җимештән калган җиргә язын 7 чиләк орлык утыртканнар. Уңдырышлы, ял иткән урыннан 130 чиләк уңыш җыеп алганнар.
– Яхшы чыкты, вагы бик аз, - ди хуҗабикә. – Аерым сортлар чәчмибез, арасында иртә өлгерә торганнары да бар.
фотолар Дәүләтшиннар шәхси архивыннан
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев