Чирмешәннең полиция хезмәткәрләре игелеклелек акциясенә кушылдылар

-Без хезмәттәшләребезнең беренче сыйныфка баручы балаларына бүләкләр әзерләдек, - диде район эчке эшләр бүлеге ветераннары советы рәисе Наилә Мәссарова. – Полиция бүлеге җитәкчесе Юлдус Билалов Юлиана Кашаевага һәм Раяна Галимовага мәктәп кирәк-яраклары тутырылган сумкалар тапшырды. Шулай ук балигъ булмаганнар эшләре буенча инспекциядә исәптә торучы, авыр хәлдә калган гаиләләрдә тәрбияләнүче ике кызның да күңәлләрен күрдек, аларны да яңа уку елы уңаеннан бүләкләр белән сөендердек.