Безнең Чирмешән
  • Рус Тат
  • Депутатлар халык мәнфәгатьләрен кайгыртып эшләсеннәр

    Чирмешәндәге балалар-яшүсмерләр спорт мәктәбендә урнашкан участокта иртәнге сәгать 10га 130лап сайлаучы тавыш бирде.

    Биредә муниципаль район башкарма комитеты җитәкчесе Илфат Шәйдуллин да гражданлык бурычын үтәде, сайлау комиссиясенең эше белән дә танышты.

    -Яңа сайланачак депутатлар Россия, Татарстан халкы өчен мөһим законнар кабул итсеннәр, иң элек халык мәнфәгатьләрен истә  тотсыннар иде. Республикадан сайланучы депутатлар безне борчый торган мәсьәләләрне ил күләмендә күтәрсеннәр, - диде ул.

    Реклама

    Бүген сайлау участогы секретаре Энҗе Ганиева өчен дә җаваплы. Ул инде 30 ел чамасы сайлау комиссиясендә, агитатор, комиссия әгъзасы да булган.

    -Халык әйбәт безнең Амур ягында, сайлаулар гел тыныч уза, тавыш күтәреп сөйләшүче юк. Комиссиябез дә тату, бер-беребезне ярты сүздән аңлыйбыз, аңлашып эшлибез. Участок урнашкан бина якты, җылы. Сәламәт булып яшәргә язсын.

    Спорт мәктәбендә урнашкан әлеге участокта 848 кеше исемлеккә кертелгән.

    фото: автор

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: