Район балалар сәнгать мәктәбе укучылары Рәис Нәгыймов исемендәге “Урсал Тауда” Халыкара фестиваль-бәйгесендә югары башкару осталыгы күрсәттеләр.
Әлмәттә узган әлеге бәйгедә Михаил Юрин “Махсус фортепиано” номинациясендә (соло) кече яшьтәгеләр арасында I дәрәҗә лауреат булды.
“Халык уен коралларында башкаручылар” номинациясендә (соло) өлкән яшьтәгеләр төркемендә Ризван Харисов II дәрәҗә лауреат дип танылды, ә Зөфәр Гыйниятуллин - III дәрәҗә лауреат.
“Бәхетле балачак” хореография коллективы чыгышы бәйгене тагын да дәрәҗәле итте, кече һәм урта төркемнәрдә, ул берьюлы берничә бүләк яулады: II һәм III дәрәҗә лауреат һәм I дәрәҗә дипломант булдылар.
Нет комментариев