Чирмешәндә урам юлларын тигезлиләр

Марат Гомәров, 15 апрель 2025 - 13:45

416

Район үзәге юлларындагы чокыр-чакырларны ямау мәшәкатьләренә керештеләр.

Бу эшне әүвәл Беренче Май, Шешминская урамнарыннан башладылар. Әлеге юллар нык таушалган иде, аннан машиналар да күп йөри.

- Дзержинский, Совет, Титов урамнары юлларын да төзәтәсе бар. Бу эшләрне “Татнефтедор” юл-төзелеш предприятиесенең Чирмешән автомобиль юллары идарәсе белгечләре башкара, - диде Чирмешән авыл җирлеге башкарма комитеты җитәкчесе Дмитрий Долгополов. –Район үзәгендә ремонт кирәк булган асфальт өслекле юлларны тигезләүгә 100 тонналап асфальт тотылачак.