Чирмешәндәге туган як тарихы музеенда яңа күргәзмә эшли

Туган як тарихы музеенда Ватан сакчысы көне уңаеннан күргәзмә эшли башлады.

Биредә Иске Үтәмештән Әхтәмовлар нәселенең истәлекләренә зур урын бирелгән. Рафик Әхтәмов һәм аның өч улының хәрби хезмәттән киеп кайткан формаларын, әтисе Әсхәт абыйның сугышта алган медальләрен, аның абыйсы Рәфгатьнең сугыш кырыннан язган хатларының күчермәләрен, фоторәсемен, мәктәпне тәмамлау турындагы таныклыгын да күрергә мөмкин булачак.

Болардан тыш, ике атна эшләячәк, "Музей - патриотизм тәрбияләүдә мөһим фактор" исемле күргәзмәдә, төрле елларда, төрле гаскәрләрдә хезмәт иткән райондашларыбызның хәрби киемнәрен, фотоальбомнар да күрергә була.