Чирмешәндә оешмалар территорияләренең чисталыгын тикшерәләр

-Нинди ведомствога буйсынуына карамастан, һәр оешмага, предприятиегә, учреждениягә кагыла бу, - диде муниципаль район башкарма комитеты җитәкчесе  Илфат Шәйдуллин, коллективлар җитәкчеләре катнашында Чирмешән автотранспорт предприятиесе территориясендә узган утырышта. -Атна саен шулай кайсыдыр бер оешмада җыелып, чисталык торышын караячакбыз.

АТП территориясендә матурлыйсы урыннар күп. Административ бинада, гаражның бер почмагында ремонт бару сәбәпле, анда-монда төзелеш калдыклары таралып ята. Күп җирдә өрәңге агачлары тамыр җибәргән, кисмәсәң, алар азыначак кына. Иске техниканы да бер урынга тәртип белән тезеп куйсаң матур була бит. Кирәксез тимер-томырны да күз алдыннан, аяк астыннан җыештырып алырга озак түгел.

Бу көннәрдә район үзәгендә өмәләр ешайды: кайдадыр туфрак тараталар, чүп-чар җыялар, агачлар утырталар, төзелеш алып баралар, мөмкин булганча, матурлыйлар. Монысы яхшы, чисталык – үзебез өчен.

фото: автор