Чирмешән журналистлары чисталыкка битараф түгел

Күмәк көч белән территория чүп-чардан арындырылды, газон үләне участогы тырмаланды, юл кырыендагы бордюрлар агартылды. Хәзер бина тирәсе ялт итеп тора.

Редакция хезмәткәрләре күптән түгел бер өмә үткәргәннәр иде инде. Ул чакта, безнең җаваплылыктагы, бер километрга якын озынлыктагы Нагорная урамында да чүп-чар җыелды, дистәләп багана агартылды.

Озакламый, көннәр ныграк җылыткач, бина янында чәчәкләр һәм чәчәк орлыклары да тамыр җибәрер.

Санитар-экологик икеайлык барышында журналистлар район үзәгендә генә түгел, торак пунктларда да чисталык өмәләре хакында язмалар әзерлиләр, шулай итеп тирә-юнебезне матурлауга зур өлеш кертәләр.

фото: Кадрия Гамирова