Безнең Чирмешән
  • Рус Тат
  • Чирмешән укучылары йөзәргә өйрәнә

    Һәр ата-ана үзенең баласының йөзә белүен тели, шуны истә тотып, районда 2-4 класс укучыларын бу спорт төренә актив өйрәтү оештырыла.

    Үзләрендә үк бассейннары булган Лашман мәктәбендә бу эш ягу сезоны башлангач, октябрь урталарында ук башланып киткән. Башлангыч класс укучылары  бассейнга кичен әти-әниләре белән киләләр.

    -Балаларны физкультура укытучысы Фаиз Билалов йөзәргә өйрәтә, әти-әниләр дә балаларын күзәтеп тора, - ди мәктәп директоры Наил Нуретдинов. - Бездә, программа буенча, физкультура дәресләре дә бассейнда уза, дәресләрдән соң секцияләр дә эшли.

    Районда барлык мәктәп балаларын да йөзәргә өйрәтергә телиләр, алар график буенча Чирмешәнгә бассейнга йөриячәк.

    -Схемасы әзер, аларны, әти-әниләре, яки башка  өлкән туганнары белән мәктәп автобусларында алып киләчәкләр, - ди район мәгариф бүлеге начальнигының  тәрбия эшләре буенча урынбасары Флера Рәхимҗанова. - Йөзү буенча инструкторлар буенча  гына проблема бар иде, без аларга Лашман мәктәбендә семинар оештырдык.  Балаларыбыз бәләкәйдән йөзәргә өйрәнәчәк.

    Автор фотосы 

    Нравится
    Поделиться:
    Комментарии (0)
    Осталось символов: