Быелның үткән ике аенда районда 115 якташыбызга коронавирус диагнозы куелган, араларында икесе - балалар. Былтыр бу чир белән авыручылар саны ел дәвамында 54 кенә булган.
Үсеш COVID-19ның башка штаммы - “омикрон” барлыкка килү белән бәйле. Ул башка штаммнарга караганда тизрәк тапшырыла, инкубация чоры кыскарак. Авыруны билгеләү өчен хәзер үзебездә үк экспресс-тест та ясыйлар.
Район үзәк больницасыннан алынган мәгълүматлардан күренгәнчә, февральнең соңгы атнасында 7 кеше - больницадан тыш пневмония, 53 кеше ОРВИ авыруы белән мөрәҗәгать иткән. Ел башыннан пневмония йоктыручылар саны 34, ОРВИлылар 268 кеше исәпләнә.
Ковид йоктырган 17 райондашыбызны Әлмәт районы үзәк больницасына озатканнар.
-Кызганычка каршы, районда Covid-19 авыруын йоктыручылар саны артты. Коронавирус белән бәйле вәзгыять әлегә җиңел түгел. Шуңа да халыкка, үз-үзегезне саклагыз, диясем килә. Җәмәгать урыннарында битлек киеп йөрү, социаль дистанцияне үтәү, кулларны антисептиклар белән юу кебек саклану чараларын, вакцинация ясатуны онытмаска кирәк, - ди район үзәк больницасы баш табибы Лилия Мортазина. - Прививка ясатырга теләүчеләргә больницада вакциналар җитәрлек.
Гомумән, районга 14470 данә вакцина кайткан. 12555 якташыбыз прививка кадаткан, шул исәптән 10 бала, 3544 кеше - 60 яшьтән өлкәнрәкләр (мондый яшьтәгеләрнең 82 прценты). 1909 кеше ревакцинация дә ясаткан.
фото: архив
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев