Чирмешән районында модульле уникенче ФАП төзелә
Түбән Кармалка авылында, чиркәү янындарак урында яңа фельдшер акушерлык пункты төзелә. Модульле бинаның стеналары бастырылган, түбәсе ябылган. Бүген төзүчеләр эчке эшләр белән мәшгуль.
Әлеге сәламәтлекне саклау өчен бик кирәк бинаның тирә-юне төзекләндереләчәк. Бу пункт районда уникенче модульле фельдшер-акушерлык пункты була, ә барлыгы 34 авылда ФАП эшли.
-34 фельдшер - акушерлык пунктының уникенчесе яңара. Түбән Кәминкә авылында модульле врачлык амбулаториясе төзелде, - ди район үзәк больницасы баш табибы Лилия Мортазина. - Начар хәлдәге ФАПлар бар әле районда. Киләсе елда Югары Кармалкада да бөтен уңайлыклары булган шундый сәламәтлек пункты төзү каралган.
фото редакция архивыннан
Следите за самым важным и интересным в Telegram-каналеТатмедиа
Нет комментариев