Чирмешән поликлиникасында капиталь ремонт берничә атнадан төгәлләнәчәк

Капиталь ремонт барышында тәрәзәләрне, ишекләрне алмаштыру, канализация, вентиляция системаларын, ут һәм суүткәргечләрне яңарту, идән һәм стеналарны ремонтлау, яңа мебель, медицина җиһазлары алу планлаштырылган.

-Яңа ел бәйрәмнәреннән соң монда төзүчеләргә эш калмас дип өметләнәбез, - ди район үзәк больницасы баш табибы Лилия Мортазина. – Бүген поликлиника бинасында берничә бригада эшли: линолеум җәяләр, стеналар буйылар, электр тимерчыбыкларын урнаштыралар, керү-чыгу юлларын төзекләндерәләр. Кабинетлар өчен яңа мебель дә кайтты. Кайбер врачлар пациентларны яңа төс алган элеккеге кабинетларында кабул итә башладылар да . Ремонтан соң үзгәрешләр дә булды, әйтик, хәзер регистратура поликлиниканың беренче катында, элек балалар консультациясе кабинетлары урынында урнашкан.  Киләсе елда поликлиникага яңа флюорография аппараты кайтуы көтелә.

Автор фотосы