Бәрәңге казыйбыз

Әккәрәй халкы ел саен диярлек районда беренчеләрдән булып бәрәңге утырта һәм беренчеләрдән уңышны казып алалар.

Алексей һәм Алевтина Турлуковларның бәрәңге бакчалары чагыштырмача зур түгел.

"Ике ел рәттән бәрәңгебез уңмады. Ә быел без эксперимент үткәрдек, бәрәңге орлыгының берничә сортын утырттык, - ди Алевтина. - Барысы да яхшы уңыш бирде. Күреп торасыз, кызыл бәрәңге күп чыкмый, ләкин бик эре.

Шәмәхә төсендәгесе дә бар иде, анысын да байтак казып алдык.

Без бәрәңгене 1 май көнне утырткан идек. Аңа үсеп җитлегергә 90 көн җитә диләр. Сабагы да корыган. Димәк, алырга вакыт".