Беренче чиратта – сыйфат

Чирмешәннең Юлчылар урамында ветераннар өчен төзелүче 16 квартиралы йортның беренче кат стеналары күтәрелеп беткән дип була. Бу көннәрдә төзүчеләр этажара плитәләрне урнаштыралар.

"Бу объектта 15 кеше эшли,- ди Яңа Чишмәнең "Стройсервис" директоры Хәлим Билданов. - Төзелеш материалларын кайтарып торабыз. Алар барысы да сертификатлы, яхшы сыйфатлы. Йортны май аенда файдалануга тапшырырга планлаштырабыз. Бу хакта булачак милекчеләр белән дә очрашып сөйләштек. Алар белән килешү, аңлашу бар.

Язгарак территорияне дә төзекләндерергә тырышачакбыз".

Гөлсирә Шәрифуллина фотолары.