Балаларны сөендерик

Республикада, шул уңайдан районда да, "Мәктәпкә җыенырга ярдәм ит!" акциясе игълан ителде.

Аның кысаларында, быел беренче класска укырга барачак 86 сабыйга һәм авыр хәлдә калган гаиләләрдә тәрбияләнүче 100 балага уку әсбаплары, кирәк-ярак, кием-салым алып бирү мөмкинлеге тудыру каралган. Моның өчен лотерея билетлары сатыла, акча салу өчен тартмалар куела.

"Бу изге гамәлдән эшкуарлар, нефть оешмалары җитәкчеләре дә читтә калмаслар дип уйлыйбыз, елдагыча хезмәт коллективлары, аерым гражданнар да булышлык күрсәтерләр",- ди район башкарма комитеты җитәкчесенең социаль мәсьәләләр буенча урынбасары Светлана Әхтәмова.