Безнең Чирмешән
  • Рус Тат
  • ​​​​​​​Иске Кади авылында чемпион белән кул көрәштергәннәр

    Туган авылым – Иске Кади мәктәбе укучылары белән элек тә очрашканым бар иде. Аларында язучылар белән кайтсак, монысында армрестлинг серләре белән таныштырып, бу спорт төре буенча ярыш оештыру иде ният.

    Миңа тәкъдимне мәктәп директоры Наил Мөхсинов җиткерде.

    Ярышлар кызлар һәм малайлар арасында өч үлчәү авырлыгында узды. Кул көрәше буенча ярышлар беренче тапкыр гына уздырылгангамы, барлык укучылар да үз көчләрен сынап карарга булдылар. Хәтта, яшь укытучы кызлар да катнышты бу ярышларда.

    Район Сабан туйларында кул көрәштерү буенча призлы урыннар яулаган Ильяс Шәрифуллин көчле чыгышы белән аеруча сокландырды. Йөрәк түзмичә, үзем дә аның белән кул көрәштердем һәм туган авылымда өметле спортчы үсүен аңладым.

    Билгеле, иң көчлеләргә бүләкләр дә тапшырдык. Бүләкләрне район яшьләр эшләре һәм спорт бүлеге җитәкчесе Илназ Мөхетдинов кулыннан алдылар.

    Фәнис Нуретдинов.

    Яр Чаллы – Иске Кади.

    Фәнис Нуретдинов кул көрәштерү буенча, мөмкинлеге чикле өлкән спортчылар арасында, бик күп бәйгеләр җиңүчесе, дөнья, Европа, Россия, Татарстан чемпионы. Ул мәзәкләр язу остасы да.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: