Һәр транспорт исәптә

2016 елда районда техника саны 349га арткан, ә гыйнварда тагын 37 транспорт өстәлгән.

Былтыр ЮХИДИ бүлекчәсендә иске һәм яңа (кемдер ала, кемдер сата - бар да исәпкә керә) 1154 транспорт чарасы исәпкә куелган, шуларның 1006сы җиңел автомобиль; шулай ук 80 прицеп, 60 йөк машинасы, 7 мотоцикл, 1 автобус та теркәгәннәр.

Шул ук вакытта 805 транспорт чарасы исәптән төшерелгән, монда да җиңел автомобильләр күпчелекне (751) тәшкил итә. 44 йөк машинасын, 7 прицеп, 2 мотоцикл һәм 1 автобусны исәптән төшерелгән.

Узган бер ай эчендә физик затлар 73 транспорт чарасын исәпкә куйган, ә 40сы исәптән төшерелгән. Шуның эчендә, 64 кеше җиңел автомобилен теркәгән, 38се исәптән төшергән. Гыйнвар аенда 6 прицеп һәм 3 йөк машинасы да теркәлү узган.