Күп балалыларга – дәүләт ярдәме

Муниципаль район башлыгы урынбасары Миләүшә Батыршина тагын 13 әнигә Ана капиталына сертификат тапшырды.

Әлеге документка ия булучыларның күпчелеге 3 - 4 балалы аналар.

Бу ел башыннан районда 39 гаиләгә Ана капиталына сертификат (капитал бәясе 387 мең 640 сум тәшкил итә) тапшырылган. Ә закон гамәлгә кергәннән бирле 698 гаилә әлеге документларны алган һәм шуларның 500ләбе инде капиталдан (тулаем 160 миллион сумлык) файдаланган да. Бу гаиләләр әлеге дәүләт ярдәменә торак сатып алган, яшәү шартларын яхшырткан.