Безнең Чирмешән
  • Рус Тат
  • Җиләк пеште

    Район үзәгендә җиләк сатучылар да күренә башлады. Җир җиләген, бакча җиләген дә сайлап алу мөмкинлеге бар. 5 литрлы чиләктәге бакча җиләген 500 сумнан тәкъдим итәләр. Алып торалар үзе. Чирмешәндә яшәүче Наталья ханым да кып-кызыл, хуш исле, эре бакча җиләген сатуга алып чыккан. -Быел уңыш яхшы, - ди ул. - Бер...

    Район үзәгендә җиләк сатучылар да күренә башлады. Җир җиләген, бакча җиләген дә сайлап алу мөмкинлеге бар. 5 литрлы чиләктәге бакча җиләген 500 сумнан тәкъдим итәләр. Алып торалар үзе.

    Чирмешәндә яшәүче Наталья ханым да кып-кызыл, хуш исле, эре бакча җиләген сатуга алып чыккан.
    -Быел уңыш яхшы, - ди ул. - Бер өлешен җыеп, шикәр комы белән бутап, кышкылыкка суыткычка тутырып куйдым. Үзебездән артканын сатарга ниятләдем.
    Якташыбыз әйтүенчә, бакча җиләген үстерү мәшәкатьле эш. Аны гел "капшап" торырга кирәк. Сирәкләргә, мыекчаларын кисәргә, су сибәргә, чүп үләннәреннән арындырырга...
    Мәшәкате күп булса да, бүген күпләр бакчасында виктория үстерә.
    Белгечләр сүзләре буенча, ул бик файдалы. Виктория җиләгендә аскорбин һәм фалий кислоталары да бар. Виктория составына йод, минераль элементлар керә. Бакча җиләге микробларны юк итәргә сәләтле, шуңа да аны ялкынсыну процесслары барганда кулланырга киңәш итәләр.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: