Чирмешән районында гыйнварда кар күп яуган

Быелгы гыйнвар ае үткән еллар белән чагыштырганда 1-2 градуска җылырак булган (айлык уртача температурасы 11 - 14 градус).

-Шулай да кышның икенче аеның соңгы ун көнендә уртача температура 14 - 16 градуска кадәр салкынайтты, - ди район авыл хуҗалыгы һәм азык - төлек идарәсенең игенчелек буенча консультанты Рәдиф Гайнуллин. - Бу күпьеллык уртача климатик күрсәткечләрдән 1- 2 градуска түбәнрәк.

Соңгы утыз елда гыйнварның өченче ункөнлегендә шундыйрак температура 2015нче елда күзәтелгән.

Гыйнварда районда явым - төшем нормадан 110-126 процентка күбрәк яуган һәм 38 - 45 миллиметр тәшкил иткән. Соңгы ун көндә кар катламы 5 - 8 сантиметрга арткан һәм 31 гыйнварга 36 - 47 сантиметрга җиткән ( норма буенча 18 - 36).

Кар күп булгач, быел җирнең өске катламы 39 - 68 сантиметрга гына туңган (норма буенча 56 - 92 сантиметр).

-Калын кар катламы көзге игеннәр өчен дә бик яхшы, - ди Рәдиф Гайнуллин. - Алар кышны имин чыгар дип өметләнәбез.