Чирмешән прокуроры – Теләчедә, Теләченеке - Чирмешәндә

Фаил Равил улы Хәйруллин район прокуроры итеп билгеләнде.

Фаил Хәйруллин 1977 нче елны Арча районында туган. Казан дәүләт университетының юридик факультетын тәмамлаган. Мамадыш районында прокурор ярдәмчесе, прокуратура тикшерүчесе, прокурор урынбасары булып эшләгән. 2004 елдан - Теләче районы прокуроры. Өйләнгән, улы бар.

Район Советында яңа прокурорны тәкъдим итүдә республика прокуроры Илдус Нәфыйков та катнашты.

-Фаил Равил улының да, Рим Фәргат улының да тәҗрибәләре зур, икесе дә үз эшчәнлекләрен дәвам итәргә лаеклы,- диде Илдус Саидович. Ул район прокурорына символик бүләк - портфель тапшырды.

Чирмешәннең элеккеге прокуроры Рим Сөнгатуллин Теләче районы прокуроры вазыйфасына билгеләнгән. Район башлыгы Наил Зарипов аңа район халкы исеменнән рәхмәт белдерде һәм яңа урында уңышлар теләде.