Чирмешәндә “Суган басуы”нда көтеп калабыз

Әлеге чараның программасы бик бай. Бу көнне “Сабантуй” стадионында, бәйрәм шунда узачак, берничә мәйданчык эшлиячәк. Оештыручылар әйтүенчә монда күргәзмә-ярминкәләр, декоратив сәнгать һәм халык һөнәрләре буенча мастер-класслар, борынгы йолаларны сәхнәләштереп күрсәтү, шуның белән бәйле җырлар һәм биюләр тәкъдим ителәчәк. Шулай ук суганнан аш һәм зур пирог пешереп презентацияләү дә булачак.

Фестивальгә читтән дә бик күп кунаклар килүе көтелә. Бәйрәм ахырында салют та булачак.