Районда бал кортларына да документ бирә башыйлар. Район дәүләт ветеринария берләшмәсе бердәм үрнәктәге паспортларга заказ биргән дә.
-Районда 179 умарталык, аларда дүрт мең оядан күбрәк умарта исәпләнә, - ди умартачылык һәм аквакультуралар буенча республика дәүләт учреждениесенең райондагы инспекторы Рәсыйх Шәфыйков. - Мондый документы булган хуҗа балын да сата, умарталары агуланганда, яки башка очракларда тиешле органнарга дәгъвасын да белдерә ала. Паспортны, акча түләгәч, район дәүләт ветеринария берләшмәсендә бирәләр, ә мин мөһер сугам.
Бердәм үрнәктәге паспортта умарталык хуҗасы, урнашу урыны, умарталарның баш саны, шулай ук нинди эшкәртү һәм дәвалау чаралары үткәрелүе турында мәгълүмат булачак. Мондый документ һәр умартачылыкка бирелә.
фото: архив
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев