Чирмешән районы игенчеләре урак темпын көчәйтә

Районның авыл хуҗалыгы предприятиеләрендә һәм фермер хуҗалыкларында әлегә 6278 гектардан, ягъни тиешленең 16 процент өлешеннән бөртек суктырып алынган. Бу күрсәткеч көн саен уртача 900-1000 гектарга үсә бара.

Башкалар белән чагыштырганда, "Үтәмеш­АГРО", "Сөлчә", "КүтәмәАГРО фирмасы", "Био­АГРО", "ЧИРМЕШӘНАГРО" җәмгыятьләрендә урак темпы югары, аларда барлык мәйданнарның 46-21 процент өлешендә комбайннар узган.

Бүген күпчелек хуҗалыкларда арпа, арыш һәм уҗым бодае суктыралар. Солы да өлгерә, иртәрәк чәчкән участок­ларда сабан бодае да озак көттермәс. Быел арпа елы, һәр гектардан уртача 32 центнер уңыш җыялар. Бу культура 8636 гектарда игелде, 4307 гектарыннан уңыш суктырып алынды. Тулаем бөртекле-кузаклылар 38 мең 91 гектар мәйдан били.

Әлегә район буенча гектар көче 29 центнер чамасы.