"Кояшлы" ял лагерында икенче смена ачылды. Бу юлы да биредә районыбызның төрле авылларыннан килгән 47 бала 21 көн дәвамында рәхәтләнеп, күңел ачып, ял итәчәк. -Лагерьда балалар өчен бөтен уңай шартлар тудырылды, - ди смена начальнигы Таһир Рәхимҗанов. - Корпусларда, ашханәбездә дә ремонт үткәрелде. Балаларны көненә биш тапкыр ашатабыз. Хәзер безнең...
"Кояшлы" ял лагерында икенче смена ачылды. Бу юлы да биредә районыбызның төрле авылларыннан килгән 47 бала 21 көн дәвамында рәхәтләнеп, күңел ачып, ял итәчәк.
-Лагерьда балалар өчен бөтен уңай шартлар тудырылды, - ди смена начальнигы Таһир Рәхимҗанов. - Корпусларда, ашханәбездә дә ремонт үткәрелде. Балаларны көненә биш тапкыр ашатабыз. Хәзер безнең җылы санузеллар һәм душ бүлмәләре дә бар.
Икенче сменада балаларга 17 кеше хезмәт күрсәтә.
Лагерьда ял итүчеләр өчен көн саен кызыклы чаралар үтә. Балаларны район үзәгенә бассейнга, музейга экскурсиягә дә алып киләчәкләр. Әлмәткә күңел ачу паркына бару да күздә тотыла.
Нет комментариев