Ике бала әнисен судка чакыру көтә

Ике балалы Р.ны ана хокукыннан мәхрүм итү өчен документлар җыела. “Судка чакыру көт!” дигәнгә дә әллә ни игътибар итмәде, әйтерсең, бу сүзләр ниндидер чит кешегә карата әйтелде. Штраф квитанциясен, төреп, кесәсенә салды да, кабинеттан чыгып китте ул. Даими рәвештә кәеф-сафа корып йөрүче бу хатынга балалары әллә бар, әллә юк.

Ә чирмешәнле Н. утырышка килергә ышандырса да, комиссия членнары күпме көтеп утырсак та, бу ананы күрү насыйп булмады, аны өенә барып та туры китерә алмадылар. Бала тәрбияләү белән шөгыльләнмәүче, кызына берничә тапкыр кул да күтәргән ананың, нәрсәдер эшләргә кирәк бит, кызы һәм ире белән бу проблеманы ничек хәл итү турында фикер алыштык. Кыз әнисе янына кайтырга атлыгып тормый. Әтисе ерак юлга йөреп эшләгәнлектән, әлегә ул туганнарында яши. Чит-ят кешеләр аларның балаларын әниләреннән якларга тырыша.

Районның бер авылындагы башлангыч сыйныф укучысына, көзге каникул вакытында, күңелсез булып китә һәм ул Интернеттан  төрле видеолар караганнан соң,  911 ашыгыч ярдәменә ялган хәбәр салган. Җаваплы органнар хәбәр җибәргән адрес буенча юлга кузгала. Кызның бу шаярулары өчен әнисенә карата административ эш ачылган, штраф салынды, ә кыз белән мәктәптә аңлату эшләре үткәрелгән.