Быел район балалар бакчаларында тәрбияләнгән 117 малай һәм кыз балалар бакчасы белән хушлашкан. Үткән ел андыйлар, мәктәпкә китүчеләр 130 булган.
-Әлеге балаларның барысына да истәлек бүләкләре тапшырдык. Сабыйларны шатландыру өчен район бюджетыннан акча бүленде. Район башлыгы Рамил Айбатовка зур рәхмәт, - диде район мәгариф бүлеге начальнигы Ольга Маркова.
.jpg)
Балалар бакчаларында чыгарылыш кичәләре тәмамланды. Иң зур чыгарылыш район үзәгендәге “Ромашка” бакчасында – 21 бала. “Ландыш”та – 16, “Каенкай”, “Чишмәкәй”, “Әкият” балалар бакчаларында - 14әр, Лашман һәм Ивашкино бакчаларында алтышар сабыйга бәйрәм оештырганнар. Туймәт, Югары Кәминкә, Түбән Кәминкә, Иске Котыш, Яңа Элмәле, Казанка авыллары балалар бакчаларында иң кечкенә чыгарылыш – берәр бала. Ә менә Бәркәтә, Иске Кади, Әккәрәй, Утыз Имән, Югары Кармалка, Иске Үтәмеш мәктәпләрендә киләсе уку елында 1 сыйныф булмаска да мөмкин, чөнки бу авыллардагы балалар бакчаларында чыгарылыш кичәләре узмаган.
Райондагы 19 балалар бакчасында һәм алты мәктәптәге мәктәпкәчә төркемдә 493 сабый тәрбияләнә. Иң күп бала “Ромашка” балалар бакчасында – 87. Ә Иске Кади һәм Яңа Элмәле авылларындагы бакчаларда икешәр генә бала.
Нет комментариев