Чирмешән мәктәбе укучысы 7 меңләп конкурсант арасында

Олимпиадада илебезнең 67 төбәгеннән һәм биш СНГ иленнән җиде меңнән күбрәк укучы катнашкан.

- Беренче сайлап алу турын дистанцион рәвештә үттеләр, полуфинал Алабугада булды.  Финалга узган 120 укучы “Алабуга Политех” квалификацияле эшче кадрлар әзерләү буенча мәгариф үзәгендә көч сынашты, - ди Данилның укытучысы Ләйлә Кәримова. – Әлеге олимпиада балаларга базарны анализларга, бәяләр белән идарә итәргә, финанслар һәм җитештерүне планлаштырырга, шулай ук командада нәтиҗәле эшләргә өйрәнергә мөмкинлек бирә.

Данил, яшьтәшләре арасында яхшы нәтиҗәләр күрсәтеп, II дәрәҗә Диплом  һәм кыйммәтле бүләк иясе булды. Җиңүчеләр шулай ук “Алабуга Политех”ка укырга керү мөмкинлеге дә алалар.

Якташыбыз шулай ук Всеволод Матвеев исемендәге халыкара фән олимпиадасындә җәмгыять белем6 буенча үзен сынап карый һәм призер була. Данил Мостафин, укытучысы Ләйлә Кәримова белән, Әлмәттә Югары нефть мәктәбендә үткән бүләкләү тантанасында да катнашкан, Диплом һәм кыйммәтле бүләк алып кайткан.