Ял алдыннан-бүләк

36 ел районның үзәк китапханәсендә хезмәт куйган Елена Кабанова "Мәдәниятта казанышлары өчен" күкрәк билгесе белән бүләкләнде.

Елена Николаевна озак еллар районның үзәкләштерелгән китапханәләр челтәрендә комплектлаштыру һәм эшкәртү бүлеге мөдире вазифаларын башкарган.

-Елена Николаевна бик җаваплы кеше. Үз эшен һәрвакыт җиренә җиткереп башкарды. Яшьләрне эшкә өйрәтте, киңәшләрен бирде, - ди үзәк китапханә директоры Ландыш Зиякова.

Инде лаеклы ялга киткән Елена Кабановага бу бүләкне район башлыгы Наил Зарипов район Советында узган чираттагы планеркада тапшырды.