Түбән Кәминкә авылының «Ак калфак» бүлекчәсе кызлары авыл уртасындагы Мөәзин Мингата чишмәсен төрле-төсле буяулар белән буяп, тирә-юнен чүп-чардан арындырганнар. Чишмә янындагы чүп үләннәре дә чабып алынган.
-Үткән ел әлеге чишмә янын җыештырганда, буяп, матурлап кую теләге уянды, быел шул ниятебезне тормышка ашырдык, - ди Хәлимә Гайнуллина. - Кызлар белән киңәштек тә, акча җыелып, буяулар сатып алдык.
Матурлык күңелне иркәли, күпер буендагы бу су чыганагы хәзер юлаучыларга да ерактан күренеп тора.
фото: Хәлимә Гайнуллина
Нет комментариев