Каникуллар бушка узмас

4-11 ноябрь көннәрендә район мәктәпләре укучылары көзге каникулларда ял итәчәк.

Алты белем учреждениесендә: Чирмешән лицеенда, кадетлар мәктәп-интернатында, 2нче Чирмешән, Лашман һәм Иске Кади урта мәктәпләрендә шул чорда мәктәп яны лагерьлары да эшләячәк. Аларда барлыгы 130 бала ял итәр дип көтелә.

Каникуллар вакытында мәктәпләрдә түгәрәкләр, спорт секцияләре дә үз эшләрен дәвам итәчәк. Балалар өчен төрле чаралар, физкультура-сәламәтләндерү үзәгенә, Боз сараена, туган як тарихы музеена экскурсияләр дә планлаштырылган.