8 сентябрь иртәсендә райондагы барлык 34 сайлау участогы да ачылды. Татарстан Республикасының Дәүләт Советына бүгенге сайлауда исемлеккә кертелгән 13 мең 603 кеше катнашуы көтелә.
-Комиссияләрдә - тәҗрибәле, җаваплы кешеләр. Участоклар барлык кирәк-ярак белән тәэмин ителгән, - ди район территориаль сайлау комиссиясе рәисе Рамил Әхмәдуллин.
Әмир авылында да сайлау участогы нәкъ иртәнге сәгать 7дә ачылды.
Якташыбыз Илфат Мәслахов тагын да иртәрәк килгән, комиссиянең эш башлаганын көтеп торды.
-Нефтьче булып эшлим, эшкә баруышлый тавыш бирергә кердем. Минемчә, Дәүләт Советында халык мөнфәгатен кайгыртучы лаеклы кешеләр булырга тиеш, - диде Илфат Рәфис улы.
Әмирдән Диләрә Талипова һәм Алия Гамирова быел сайлауда беренче тапкыр катнашачаклар.
Мәгълүм булганча, сайлаулар бер көн үтәчәк. 50 депутат – партия исемлекләре, тагын 50се бер мандатлы сайлау округлары буенча сайланачак. Үзәк сайлау комиссиясе биш сәяси партиянең исемлекләрен теркәде: «Яңа кешеләр», «ЛДПР – Россия либераль-демократик партиясе», «Гадел Россия – Патриотлар – Дөреслек өчен», «Бердәм Россия», «КПРФ – Россия Федерациясе Коммунистлар партиясе». 100 депутат мандатына барлыгы 397 кандидат дәгъва кыла.
Гөлсирә Шәрифуллина фотосы
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев