27 августтан 2 сентябрьгә кадәр район полиция бүлегендә гражданнардан 37 хәбәр кабул ителгән.
Ике җинаять эше кузгатылган.
Участок уполномоченныйлары тарафыннан биш административ беркетмә төзелгән.
Атна дәвамында районда матди зыян белән ике юл-транспорт һәлакәте теркәлгән. Юлда йөрү кагыйдәләрен бозуның 63 очрагы ачыкланган.
Иске Үтәмеш авылында яшәүче хатын-кыз кибеттән шәраб-аракы продукциясе урлаган гражданинны законда каралган җаваплылыкка тартуны сорый. Бу факт буенча җинаять эше кузгатылган.
Мәгълүматлар Чирмешән районы буенча Россия Эчке эшләр министрлыгы бүлеге штабыннан бирелде.
Нет комментариев