Белеп торыгыз
Татарстанда бүген +20 градуска кадәр җылы булачак
Чәршәмбе, 2 октябрьдә, Татарстанда явым-төшемсез җылы һава көтелә. Бу хакта ТР Гидрометеорология үзәге хәбәр итә.
Бераз болытлы булуы ихтимал, урыны белән көчле җил секундына 12 метрга кадәр җитәр дип фаразлана.
Төнлә температура +2 дән +7 градуска кадәр, кайбер районнарда термометр баганалары 0...+2 градуска кадәр, ә түбән урыннарда -4 градуска кадәр төшәргә мөмкин. Көндез һава 15-20 градуска кадәр җылыначак.
Синоптиклар мәгълүматларына караганда, якындагы ункөнлектә Татарстанда температура климатик нормадан өч градуска югарырак булачак, ул республика буенча +7,4.
Следите за самым важным и интересным в Telegram-каналеТатмедиа
Нет комментариев