4 айлык бала әнисенең сөте белән агуланып үлгән
Алтай Республикасында тикшерүчеләр дүрт айлык бала үлгәннән соң җинаять эше кузгаткан. Бу хакта Россия Тикшерү комитетының төбәк тикшерү идарәсе матбугат үзәге хәбәр итә.
Тикшерү версиясе буенча, 11 гыйнвар көнне Тау-Алтайда яшәүче бер ханым үзенең туган көнен билгеләп үткән һәм спиртлы эчемлекләр кулланган. Шуннан соң ул улы янына йокларга ята. Хатын күкрәк сөтендә сабыйның гомере һәм сәламәтлеге өчен куркыныч дәрәҗәдә спирт булуын белә. Әмма шуңа да карамастан, «11 гыйнвардан 12 гыйнварга каршы төндә 4 айлык баланы сөт белән тукландыра, бу сабыйның агуланып үлүенә китергән», диелә хәбәрдә.
Тикшерүчеләр әлеге гаиләдә килеп туган хәлләрне ачыклый һәм балаларның яшәү шартларын тикшерә.
Фото: https://pixabay.com/ru
Следите за самым важным и интересным в Telegram-каналеТатмедиа
Нет комментариев