Россия көне белән!

1990 елда Россиянең дәүләт суверенитеты турында Декларация кабул ителгән көн  хәзер Россия көне буларак билгеләп үтелә. Әлеге зур бәйрәм һаман саен патриотик төсмер ала, ил халыкларының милли бердәмлеге символына әверелә бара.

Илебездә демократик принциплар өстенлек ала, дөньяда Россиянең йогынтысы, роле көчәя. Шөкер, тормыш дәрәҗәсен яхшырту, хокукларыбызны яклау, дәүләтчелегебезне ныгыту ягыннан күп эшләнә. Район халкы, бу зур казанышыбыз, дус, тату, аңлашып яши. Вакытлыча сынауларны, кыенлыкларны бергәләп җиңәргә тырышабыз. Бу һәм алдагы көннәрдә явым-төшемнәргә, көзен яхшы уңыш җыярга өметләнәбез. Тормыш дәвам итә. Сау, хыялларны тормышка ашырып яшик, эшлик, бәйрәм белән райондашлар!