Юл хәрәкәте
Мәчене таптатмыйм дип юл читенә «очкан»
Өч кеше җәрәхәтләнгән-имгәнгән хәлдә хастаханәгә озатылган.
Татарстан прокуратурасы кичә Тәтеш районында килеп чыккан авария урыныннан фотосурәтләрне дөньяга чыгарган. Алардан күренгәнчә, “Лада” тимер өеменә әйләнеп калган диярлек: кузовы яньчелгән, тәрәзәләре ватылган.
Ведомство мәгълүматларына караганда, җиңел машина рулендәге кыз юлга кинәт кенә килеп чыккан мәчегә зыян салмыйча гына узып китмәкче булган. Аны бастырмас өчен бераз читкәрәк “тайпылган” да машинасы белән юл читенә “очкан”.
Фаҗигадә 19 яшьлек пассажир кызның гомере өзелгән. Тагын өч кыз җәрәхәтләнгән-имгәнгән хәлдә хастаханәгә озатылган.
Следите за самым важным и интересным в Telegram-каналеТатмедиа
Нет комментариев