Район автоинспекциясеннән хәбәр итүләренчә, машина йөртүче ике кеше апрель аенда район үзәгендә руль артында алкоголь кулланып “эләккәннәр”.
Күрше Шентала районы кешесе - урта яшьләрдәге ир-ат Чирмешәнгә автомашинасын ремонлатырга килгән. Аның “уникеле“ машинасын Титов урамында туктаткач, йөртүчесенең исерек булуы ачыкланды. Техническая урамында тикшерелгән чит ил машинасын йөртүче хатын-кыз да алкоголь кулланган иде, - ди район автоинспекциясе начальнигы Рәмис Шәкүров.
Быелның узган өч аенда район юлларында исерек хәлдә автотранпорт белән идарә иткән 13 машина йөртүче (былтыр бу чорда - 16) ачыкланган.
Марат Гомәров фотосы.
"Безнең Чирмешән"нең МАХ мессенджеренда иң мөһим, кызыклы вакыйгаларны күзәтегез.
Нет комментариев