Чирмешәнгә 83 яшь боксчы килде

Бәйге Космонавтика көненә һәм Россия Федерациясе Спорт министрлыгының 100 еллыгына багышлана.

Район башкарма комитетының яшьләр һәм спорт эшләре бүлегеннән хәбәр итүләренчә, турнирда ун команда вәкилләре "Чирмешән" универсаль спорт залында көч сынашачак. Яшь спортчылар – малайлар, яшүсмерләр безгә Әлкидән, Бөгелмәдән, Азнакайдан, Лениногорскидан, Нурлаттан, Сарманнан, Яр Чаллыдан, Кама Аланыннан, Казаннан килгәннәр. Иң зур составлы команда – 21 яшь спортчы - Чирмешән районыннан.

Бәйге өч көн дәвам итеп, финал очрашулары 29 апрельдә, шимбә көнне, сәгать 11дә башланачак.

ФОТОРЕПОРТАЖ 

Марат Гомәров фотолары