Чирмешән кадетлар мәктәп-интернаты укучысы Анастасия Гуслякова йөзү буенча район рекордын яңартты

Урта мәктәпләр арасында команда зачетында хуҗалар – Лашман мәктәбе командасы җиңүче булды, Чирмешән кадетлар мәктәп-интернаты – икенче, Чирмешән лицее укучылары өченче урында. Төп мәктәпләр арасында Түбән Кәминкә укучылары беренче, Иске Котыш мәктәбе командасы – икенчедә.

- Күп еллардан бирле үткәрелүче йөзү буенча ярышларда катнашучыларның географиясе киңәю, укучылар саны арту куанычлы, тик күрсәткечләре – йөзү осталыклары гына елдан ел начарая, – диде ярышларның баш хөкемдары Фаиз Билалов. – Элек укучылар арасында 2-3 спорт разряды күрсәтүче укучылар күп иде, хәзер үсмерләр спорт разрядын буйсындыручыларга да бик шат булабыз.

Бәйгедә 11 мәктәптән 85 укучы катнашты. 18 дистанциядә осталыкларын күрсәткән мәктәпләрнең сигезесенең укучылары җиңүчеләр һәм призерлар булдылар. Бүген ирекле, аркада һәм брасс стильләре буенча йөзүдә осталыкларын күрсәттеләр.

фото Гөлсирә Нурисламова