Советлар һәм тормыш
Чирмешәндә ТР Дәүләт Советы депутатына рәхмәт ирештерделәр
Район инвалидлар җәмгыяте бинасын ремонтлауга – үзгәртеп коруга нефтьчеләр 500 мең сум акча бирәчәк.
Бу хакта Татарстан Республикасы Дәүләт Советы депутаты, “Нурлатнефть“ идарәсе начальнигы Илгиз Салихов Чирмешәндә гражданнарны кабул итүгә килгәч әйтте. Мондый игелекле гамәле өчен инвалидлар җәмгыяте аңа рәхмәтен ирештерде.
Бу юлы Илгиз Салихов – 9, ә ел башыннан 25 кешене кабул итте. Туган як тарихы музеенда узган соңгы чарада татар теленә игътибарны көчәйтү кирәклеге турында, “Сөлчә“ җәмгыятенә көчле җилдән зыян күргән гараж түбәсен төзәтүдә, шәхси мәсьәләләр буенча ярдәм сорап та мөрәҗәгать иттеләр.
Автор фотосы
Следите за самым важным и интересным в Telegram-каналеТатмедиа
Нет комментариев