Чирмешәнлеләр “Халык контроле”нә этләрдән зарланып язганнар
Якташларыбыз июль аенда “Халык контроле” порталына урамдагы хуҗасыз этләрдән зарланып һәм юл таушалуына бәйле хәбәрләр язганнар.
Бер хатын-кыз: “Биш көчеген ияртеп Чирмешәндә йөрүче хуҗасыз эт урамда балаларны куркыта, алар ишегалларына керәләр, тавыкларны буалар”, – дип шикаять җибәргән. Чирмешән авыл җирлеге башкарма комитетына әлеге хәбәр уңаеннан чара күрү зарурлыгы хакында күрсәтмә бирелгән.
Шулай ук район үзәгеннән икенче бер якташыбыз, физкультура-савыктыру комплексы, гади генә әйткәндә, бассейн бинасы янындагы асфальт юлның таушалуына зарын белдергән. Район башкарма комитеты әлеге уңайдан Техническая урамында “ямочный ремонт” планлаштырылуы хакында җавап биргән.
фото: автор
Следите за самым важным и интересным в Telegram-каналеТатмедиа
Нет комментариев