Безнең Чирмешән
  • Рус Тат
  • Чирмешән инспекторлары техникага “бәйләнә“

    Язгы кыр эшләрендә тормозлары ышанычлы, утлары янган куркынычсыз техника эшләргә тиеш. Күзәтчелек органнары 25 апрельгә кадәр, чәчү башланганчы, "колхоз"лардагы машина -тракторларның төзеклеген тикшереп чыгуны максат иткән. "Гостехнадзор" ның райондагы белгечләренә юридик затларда - оешмаларда һәм авыл хуҗалыгы предприятиеләрендә исәпләнгән 450ләп берәмлек трактор, арба, ә таттехконтрольчеләр 200 тирәсе җиңел һәм йөк...

    Язгы кыр эшләрендә тормозлары ышанычлы, утлары янган куркынычсыз техника эшләргә тиеш. Күзәтчелек органнары 25 апрельгә кадәр, чәчү башланганчы, "колхоз"лардагы машина -тракторларның төзеклеген тикшереп чыгуны максат иткән.

    "Гостехнадзор" ның райондагы белгечләренә юридик затларда - оешмаларда һәм авыл хуҗалыгы предприятиеләрендә исәпләнгән 450ләп берәмлек трактор, арба, ә таттехконтрольчеләр 200 тирәсе җиңел һәм йөк автомашинасының төзеклегенә бәя бирәчәк. -Әлегә ике - "Әхмәтҗанов Ә.К." һәм "Чирмешән - АГРО" хуҗалыкларының тракторларын тикшердек. Аларда техосмотрга яхшы әзерләнгәннәр,- ди "Гостехнадзор"ның райондагы инженер-инспекторы Рифат Гатин.
    Белгечләр техникаларның тормоз системасына, руль идарәсенә, утларның яну-янмавына аерым игътибар итә.
    -Тикшерәләрме, юкмы- трактор гел төзек булырга тиеш инде ул. Юлда ни булмас. Техника тирәсендә ут сүндергечсез дә, аптечкасыз да ярамый,- ди "Чирмешән АГРО" җәмгыяте тракторчысы Александр Беззубов.
    "Таттехконтроль"нең райондагы белгечләре исә, "Татавтодор" участогы һәм югарыда телгә алган "Чирмешән - АГРО" автомашиналарын карап чыккан.
    -Былтыргы техник карау вакытында булган җитешсезлекләр быел юк. Ике оешмадагы техникаларга да бары бер генә дәгъва - кайбер машиналарда машина көпчәкләре искерәк,-ди инспектор Марат Сафиуллин.
    Автор фотолары.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: