Самара өлкәсеннән дүрт егет кибеттән парфюмерия продукциясе урлаган өчен суд эскәмиясенә эләккәннәр. -Узган елның март аенда 28 яшьлек Михаил Суродин, 23 яшьлек Иван Казак, 18 яшьлек Николай Вагайцев һәм Александр Мусинский, парфюмерия продукциясе урлау нияте белән, Самарадан Чирмешәнгә киләләр, - ди район прокуроры урынбасары Юрий Иванов. -Сатып алучылар кыяфәтендә алар...
Самара өлкәсеннән дүрт егет кибеттән парфюмерия продукциясе урлаган өчен суд эскәмиясенә эләккәннәр.
-Узган елның март аенда 28 яшьлек Михаил Суродин, 23 яшьлек Иван Казак, 18 яшьлек Николай Вагайцев һәм Александр Мусинский, парфюмерия продукциясе урлау нияте белән, Самарадан Чирмешәнгә киләләр, - ди район прокуроры урынбасары Юрий Иванов. -Сатып алучылар кыяфәтендә алар кибеткә керәләр, аннан соң саклау рамкасы аша каршылыксыз, сиздермичә чыгып китүне максат итеп, ир-атлар һәм хатын-кызлар өчен парфюмерия - туалет сулары төргәк тартмаларының магнит полосаларын куптарып ташлап, 18 флакон урлап чыгалар, матди зыян - 38974 сум.
Шунысын әйтергә кирәк, Суродин моңа кадәр бу кибеттә булып, бер флакон туалет суы урлаган була, суд утырышы барышында бу факт та исәпкә алынган.
Район суды Михаил Суродинга 2 ел сынау срогы белән 1 ел да 10 айга ирегеннән мәхрүм итү карары чыгарды. Иван Казакка, Николай Вагайцевка һәм Александр Мусинскийга 160-120-140 сәгать мәҗбүри эшләр җәзасы бирелгән.
Нет комментариев