31 марттан 6 апрельгә кадәр район полиция бүлегенең кизү частенда 33 хәбәр кабул ителгән.
Полициянең участок уполномоченныйлары өч административ беркетмә төзегәннәр. Бу чорда бер җинаять эше кузгатканнар.
Атна дәвамында район юлларында юл-транспорт вакыйгалары теркәлмәгән. Гомумән, юлда йөрү кагыйдәләрен бозуның 46 очрагы теркәлгән.
Лашман кешесе, исерек хәлдә тавыш куптарган, кул күтәргән һәм үтерү белән янаган ир-егетне җаваплылыкка тартуны сорый.
Иске Кадида яшәүче якташыбызга карата да җинаять эше кузгатуны сорап материал кергән. Ул кредит компаниясеннән акча алган, ә хәзер бурычын кайтарасы килми.
Тагын бер якташыбыз – чирмешәнле полиция бүлегенә 6 мең сум акчасын урлаулары турында хәбәр иткән. Бу эшләр буенча тикшерү бара.
Әлеге мәгълүматлар Россия ЭЭМның Чирмешән районы буенча бүлеге штабыннан алынды.
"Безнең Чирмешән"нең Яндекс Дзен , Телеграм каналында һәм МАХ мессенджеренда иң мөһим, кызыклы вакыйгаларны күзәтегез.
Нет комментариев