Безнең Чирмешән
  • Рус Тат
  • Чирмешәндәге бер кибет янында шикле чемодан табылган

    13 март көнне полиция бүлекчәсенә үзәктәге бер кибет янәшәсендә хуҗасыз чемодан табылуы турында хәбәр керә.

    Әлеге сигнал буенча полиция хезмәткәрләре генә түгел, янгын часте, ашыгыч медицина ярдәме дә тиз арада вакыйга урынына килеп җитәләр.

    -Барлык хезмәтләр дә бик оператив, килешеп эшләделәр, - ди полиция бүлекчәсе начальнигы урынбасары Хәлил Шарапов. – Кибеттән халыкны урамга чыгардык. Кинолог эт белән  чемоданны тикшергәч, аны читкә алып китеп ачтык, анда кием-салым булуы ачыкланды. Соңыннан аны Чирмешәндә яшәүче бер авыру калдырып киткәнен белдек.

    Реклама

    Әлеге вакыйганың дәвамы да булган. Шул көнне янгын частена Совет урамындагы бер квартирада янгын чыгуы турында шалтыраталар. Кайтып кына кергән янгынчылар кабат юлга чыкканнар. Квартира хуҗасы, ул чемодан хуҗасы да булып чыга, өенә ут төрткән икән, ярый әле янгын таралып зур зыян китереп өлгерми.  Тынгысыз, авыру якташыбызны шул ук көнне  больницага озатканнар.

    - Хәвефле хәбәр тулысынча расланмаса да, райондашларыбызның уяу булуы бик яхшы. Бу очрак безнең һәм башка хезмәтләрнең дә гадәттән тыш хәлләргә әзерлеген тикшерергә мөмкинлек бирде. Киләчәктә дә уяулыкны югалтмасак иде, райондашларыбыздан, шикле хәлләргә очраганда, 2-54-39 яисә 02 телефоннары аша шалтыратуларын сорыйбыз, - ди Хәлил Шәфигулла улы.

    автор фотосы

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: