Безнең Чирмешән
  • Рус Тат
  • Чирмешән районында 90 литрдан артык легаль булмаган алкоголь әйләнештән алынган

    Ел башыннан районда 91, 7 литр легаль булмаган алкоголь һәм спиртлы эчемлек әйләнештән алынган, шул исәптән 52,5 литр спиртлы, 3,7 литр өйдә җитештерелгән алкоголь продукциясе һәм 5 литр сыра, 27,5 литр аракы Казахстаннан кертелгән. Узган биш айда район территориясендә алкоголь продукциясен законсыз сатуның 19 факты теркәлгән, 13 очракта спиртлы эчемлекләрне...

    Ел башыннан районда 91, 7 литр легаль булмаган алкоголь һәм спиртлы эчемлек әйләнештән алынган, шул исәптән 52,5 литр спиртлы, 3,7 литр өйдә җитештерелгән алкоголь продукциясе һәм 5 литр сыра, 27,5 литр аракы Казахстаннан кертелгән.

    Узган биш айда район территориясендә алкоголь продукциясен законсыз сатуның 19 факты теркәлгән, 13 очракта спиртлы эчемлекләрне өйдән сатучыларны тоткарлаганнар, шулай ук машинадан да алкоголь "урнаштыручылар" булган.
    Ялган аракы сатучылар һәр авылда бар диярлек, узган чорда Чирмешән, Кара Чишмә, Әккәрәй, Лагерка, Иске Үтәмеш, Түбән Кәминкә, Яңа Элмәле, Ишлинка авылларындагы законсыз "сәүдәгәрләргә" карата административ беркетмәләр төзелгән. Биш айда икешәр тапкыр эләгүчеләр дә бар. Әйтик, шундыйлардан Кара Чишмә авылында яшәүче бер ир- ат полиция хезмәткәрләренә бик яхшы таныш. Нигездә, алар штраф түлиләр дә аракы сатып сәүдә итүләрен дәвам итәләр.
    Кайбер очракта куркынычсызлык таләпләренә җавап бирмәүче продукцияне җитештерү, саклау һәм сату өчен җинаять эше дә кузгаталар. Биш айда әлеге статья буенча өч "сәүдәгәр" суд каршына баскан.

    Автор фотосы.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Комментарии (0)
    Осталось символов: