Кеше һәм закон
Чирмешән кешесенең 80 мең сумга якын акчасын урлаганнар
Билгесез адәм Чирмешән кешесенең банк картасыннан 79 мең сум акчасын урлаган. Әлеге фактны полиция хезмәткәрләре тикшерә.
Гомумән, 19-25 августта район полиция бүлегенең кизү частенда 36 хәбәр кабул иткәннәр. Полиция участок уполномоченныйлары тарафыннан 17 административ беркетмә төзелгән. Бу чорда бер җинаять эше кузгатылган.
Район юлларында өч юл-транспорт һәлакәте теркәлгән, барысы да матди зыян белән.
ЮХИДИ хезмәткәрләре юлда йөрү кагыйдәләрен бозуның 81 очрагын ачыклаганнар, ике машина йөртүче транспорт белән исерек хәлдә идарә иткән.
Әлеге мәгълүматлар Россия Эчке эшләр министрлыгының Чирмешән районы буенча бүлеге штабыннан алынды.
фото: автор
Следите за самым важным и интересным в Telegram-каналеТатмедиа
Нет комментариев