Безнең Чирмешән
  • Рус Тат
  • Чирмешән егете ике җинаять өчен каты режимлы колониягә озатылган

    25 яшьлек Чирмешән егете кеше үтерергә омтылганы һәм полиция хезмәткәрләрен мыскыллаган өчен хөкем ителгән. Район суды ике җинаятьтә - үтерергә омтылуда һәм хезмәт вазифаларын башкаручы хакимият вәкилләрен халык алдында мыскыллауда гаепләнгән чирмешәнле Илнур Сәгъдиевның җинаять эшен тикшерде. -Суд тарафыннан шунысы ачыкланды - узган елның ноябрь аенда Сәгъдиев шәхси күралмаулык мөнәсәбәтләре...

    25 яшьлек Чирмешән егете кеше үтерергә омтылганы һәм полиция хезмәткәрләрен мыскыллаган өчен хөкем ителгән.


    Район суды ике җинаятьтә - үтерергә омтылуда һәм хезмәт вазифаларын башкаручы хакимият вәкилләрен халык алдында мыскыллауда гаепләнгән чирмешәнле Илнур Сәгъдиевның җинаять эшен тикшерде.

    -Суд тарафыннан шунысы ачыкланды - узган елның ноябрь аенда Сәгъдиев шәхси күралмаулык мөнәсәбәтләре сәбәпле, йоклап ятучы үги әтисенең җилкәсенә пычак белән кадый, моннан кала йодрык белән дә суга, - ди әлеге җинаять эше буенча гаепләүче, район прокуроры урынбасары Юрий Иванов. - Зыян күрүче алынган тән җәрәхәтләреннән уяна һәм каршылык күрсәтә, шуңа гына Сәгъдиев явыз ниятен ахырына кадәр эшләп җиткерә алмый.

    Ә быелның январь аенда исерек хәлдәге Илнур Сәгъдиев урамда, халык алдында полиция хезмәткәрләренә карата мыскыллы сүзләр әйтә.

    Шунысын да әйтергә кирәк, ул моңа кадәр ике ел да ике айга шартлы рәвештә хөкем ителгән булган, югарыда аталган гамәлләрен Сәгъдиев шул вакыт аралыгында кыла. Димәк, дөрес юлга басмаган һәм үзе өчен нәтиҗәләр ясамаган дигән сүз.

    Район суды шартлы хөкем карарын гамәлдән чыгарып, Илнур Сәгъдиевны 6 ел да 9 айга ирегеннән мәхрүм итте, ул каты режимлы колониягә озатыла.

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Теги: undefined
    Нравится
    Поделиться:
    Реклама
    Комментарии (0)
    Осталось символов: